શ્રીલંકામાં ફરી થયો આત્મઘાતી હુમલો, સુરક્ષા એજન્સીઓના અનેક ઠેકાણે દરોડા

કોલંબોઃ શ્રીલંકામાં શ્રેણીબદ્ધ વિસ્ફોટ પછી સુરક્ષાદળો તરફથી તાબડતોબ છાપેમારી કરવામાં આવી રહી છે. શુક્રવારે સાંજે આ જ રીતની છાપેમારી દરમિયાન સશસ્ત્ર હુમલાખોરો સાથે અથડામણ શરુ થઈ હતી. અહીં છુપાયેલા આતંકીઓના તાર ઈસ્ટર સન્ડે પર થયેલા હુમલા સાથે જોડાયેલા હોવાનું માનવામાં આવી રહ્યું છે. પોલીસ પ્રવક્તાએ કહ્યું કે કોલંબોથી 325 કિલોમીટર દૂર સમંથુરઈમાં શૂટઆઉટ દરમિયાન એક આતંકીએ આત્મઘાતી વિસ્ફોટ કર્યો હતો. શંકાસ્પદની ધરપકડ સાથે જ સુરક્ષા વ્યવસ્થા માટે દસ હજાર કરતા વધારે સૈનિકોનો કાફલો ઉતારી દેવામાં આવ્યો છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો રોજ મોટી માત્રામાં મળે છે વિસ્ફોટકો નોંધનીય છે કે રવિવારે થયેલા 8 બોમ્બ વિસ્ફોટ પછી દરરોજ દેશમાં શકમંદોની ધરપકડ થઈ રહી છે અને મોટી માત્રામાં વિસ્ફોટક પણ મળી રહ્યાં છે. કદાચ એ જ કારણ છે કે દેશના પીએમ રાનિલ વિક્રમસિંઘે કહ્યું છે કે આવતા દિવસોમાં હજુ અન્ય હુમલાઓ પણ થઈ શકે છે. શુક્રવારે પણ પોલીસે વિસ્ફોટકો સાથે એક ડ્રોન અને ઈસ્લામિક સ્ટેટ (IS)ના લોગો સાથે એક બેનર પણ મળી આવ્યું હતું. ISએ લીધી છે હુમલાની જવાબદારી નોંધનીય છે કે ઈસ્ટર સન્ડેના રોજ હુમલામાં 253 લોકોના મોત નીપજ્યાં હતાં. જેની જવાબદારી આતંકી સંગઠને ISએ લીધી છે. જોકે, સરકારે સ્થાનીક ઈસ્લામીક કટ્ટરપંથી સંગઠન નેશનલ તૌહીદ જમાતને જવાબદાર ગણાવી છે. ધમાકાઓથી હચમચ્યું હતું શ્રીલંકા એક પોલીસ અધિકારીએ કહ્યું કે,’અમને એવા જ કપડા મળ્યા છે. જેવા વિડીયોમાં ISના આતંકીએ પહેરેલા છે. જેની સાતે વિડીયોનું બેકડ્રોપ પણ એક જ હતું.’ રવિવારે 9 આત્મઘાતી હુમલાખોરોએ ત્રણ ચર્ચ અને ત્રણ હોટલોમાં એક પછી એક ધમાકાઓ કરીને શ્રીલંકાને હચમચાવી રાખ્યું હતું. અત્યાર સુધીમાં પાંચ મહિલાઓ સહિત 70થી વધારે શકમંદોની ધરપકડ કરવામાં આવી છે. પોલીસને વધુ શકમંદોની તલાશ આ રિપોર્ટ અનુસાર શ્રીલંકાની પોલીસ એવા 140 શકમંદોની તપાસ કરી રહી છે. જેના તાર IS સાથે જોડાયેલા હોય શકે. દેશના મુસલમાનોને વિનંતી કરવામાં આવી છે કે તેઓ ઘરે જ નમાજ અદા કરે. જવાબી હિંસાની આશંકા વચ્ચે સિક્રેટ એજન્સીઓએ ચેતવણી આપી છે કે આગળ પણ કાર બોમ્બ જેવા હુમલાઓ થઈ શકે છે. એક રિપોર્ટ અનુસાર સીરિયલ બ્લાસ્ટ ન્યૂઝીલેન્ડમાં બે મસ્જિદોમાં થયેલી અંધાધૂંધ ગોળીબારનો બદલો લેવા માટે કરવામાં આવ્યાં હતાં.