ટ્રેનમાં 'પહોળા' થઈ બેસતાં પુરુષોને પાઠ ભણાવવા યુવતીએ કર્યું આવું

I am Gujarat

મેનસ્પ્રેડિંગ માટે અનોખી રીત

રશિયાની એક લો સ્ટૂડન્ટ મેનસ્પ્રેડિંગ (પગ પહોળા કરી બેસવું) સામે લડવા માટે એક અનોખી રીત અપનાવી છે. 20 વર્ષની અન્ના દોવગાલ્યુક પહોળા થઈને બેસતાં પુરુષો પર બ્લીચ ભેળવેલું પાણી નાખી દે છે. આ ઉપરાંત તેણે પુરુષ પર અનેક આરોપો પણ લગાવ્યાં છે.

નિશાન પર આવ્યાં પુરુષો

અન્ના દોવગાલ્યુકે પુરુષો પર લૈંગિક અતિક્રમણનો આરોપ લગાવ્યો છે. અન્નાએ કહ્યું કે,’રશિયામાં આ સમસ્યા ઝડપથી વધતી જઈ રહી છે. આ સમસ્યા ઉકેલવામાં તેમનો દેશ ઘણો જ પાછળ છે.’ અન્ના પોતાની ઓળખ એક સમાજસેવિકા તરીકે આપે છે. અન્ના પબ્લિક ટ્રાન્સપોર્ટમાં પગ પહોળા કરી બેસતાં પુરુષોને નિશાન પર લઈ રહી છે.

ફેંકી દીધું બ્લીચ

અન્ના 30 લીટર પાણીમાં 6 લીટર બ્લીચ મિક્સ કરીને એક મિશ્રણ તૈયાર કરે છે. આ પછી તે પુરુષોની જાંઘ પર ફેંકી દે છે. અન્નાએ જણાવ્યું હતું કે આ મિશ્રણ ઘરમાં મહિલાઓ દ્વારા તૈયાર કરવામાં આવતા મિશ્રણની સરખામણીમાં 30 ગણું વધારે જલદ છે.

આવી રીતે કરે છે અસર

આ મિશ્રણ એવું છે કે થોડી જ મિનિટમાં તે રંગ ઉડાવી દે છે અને હંમેશા માટે ડાઘ-ધબ્બા છોડી દે છે. અન્નાએ કહ્યું કે હું આવું એટલા માટે કરી રહી છું કે દરેક લોકો સમજી શકે કે પુરુષોનું વલણ કઈ બોડી પાર્ટથી નિયંત્રિત થાય છે. અમે તેમને યાદ અપાવવા માટે નિશાન પણ છોડી રહ્યાં છીએ. તેણે એવો પણ દાવો કર્યો કે તેનું આ કામ એવા વ્યક્તિને સમર્પિત છે. જે જાહેર સ્થળ પર મર્દાનગીનું પ્રદર્શન કરે છે.

આ પહેલા પણ હતી ચર્ચામાં

પોતાને સોશિયલ એક્ટિવિસ્ટ કહેનાર અન્નાએ આ પહેલા રશિયામાં સ્કર્ટ ઉઠાવવાની ઘટનાના વિરોધની રીતથી ચર્ચામાં આવી હતી. તેણે મુસાફરો સામે પોતાનું સ્કર્ટ ઉઠાવ્યું હતું.