ભયાનક વાવાઝોડું ફુંકાતા 22મા માળેથી નીચે પટકાઈ મહાકાય ક્રેન

I am Gujarat

માંગખૂટ વાવાઝોડાને લીધે સર્જાઈ તબાહી

હોંગકોંગમાં આવેલા ભયાનક માંગખૂટ વાવાઝોડાને લીધે થયેલી તબાહીના વીડિયો અને તસવીરો ઈન્ટરનેટ પર વાયરલ થઈ રહ્યાં છે. આ વાવઝોડાએ આખા શહેરને પોતાની ઝપેટમાં લીધું છે અને બહુ મોટાપાયે વિનાશ વેર્યો છે. આ દરમિયાન એક વીડિયો સામે આવ્યો છે જેમાં વાવાઝોડાને કારણે મહાકાય ક્રેન 22મા માળેથી નીચે પટકાઈ રહી હોવાનું ભયાનક દ્રશ્ય દેખાઈ રહ્યું છે.

જુઓ વીડિયો

https://www.youtube.com/watch?v=0sSmrL4bBiwવીડિયોમાં દેખાઈ રહ્યું છે કે, તાઈ કોક ત્સુઈમાં તોફાની વાવાઝોડાને કારણે એક અન્ડર કન્સ્ટ્રક્શન બિલ્ડિંગ પર ગોઠવવામાં આવેલી મોટી ક્રેન 22મા માળેથી નીચે પડી રહી છે. આ ઘટના બપોરે 1થી 2 વાગ્યા દરમિયાન બની હતી.

ફિલિપીન્સમાં પણ વેર્યો વિનાશ

ઉલ્લેખનીય છે કે, માંગખૂટ વાવાઝોડાને કારણે અગાઉ ફિલિપીન્સના ઉત્તર ભાગમાં ભારે તબાહી થઈ હતી અને આશરે 60થી વધુ લોકોના મોત નીપજ્યા હતા. બાદમાં ચીનના દક્ષિણ ભાગ તરફ વળ્યું હતું. આના કારણે ચીનની સરકારે રેડ એલર્ટ જાહેર કર્યું હતું અને આશરે 24 લાખ લોકોને સ્થળાંતરિત કરવામાં આવ્યા હતા. આ 2018માં આવેલું સૌથી શક્તિશાળી વાવાઝોડું છે જેની ગતિ આશરે 175 માઈલ પ્રતિ કલાકથી પણ વધુ હતું.

હજુ પણ સ્થિતિ ખરાબ થઈ શકે છે

વાવઝોડું ધીમું પડવા છતા બાદ તેની ગતિ 161 માઈલ પ્રતિ કલાક હતી જ્યારબાદ તે સાઉથ ચાઈન સી થઈને સાઉથ ચાઈના અને હૉંગકૉંગ પર ત્રાટક્યું હતું. હોંગકોંગના સિક્યોરિટી મિનિસ્ટરે લોકોને હજુ વધારે ખરાબ સ્થિતિ માટે તૈયાર રહેવા માટે કહ્યું છે.