બ્રિટન: મહારાણી માટે હાઉસકિપિંગ અસિસ્ટન્ટ જોઈએ છે, પગાર રૂપિયા 18 લાખ

બ્રિટિશ રોયલ ફેમિલીના બ્રિટનના મહારાણી એલિઝાબેથ દ્વિતિયને ‘Windsor Castle‘ માટે હાઉસકિપિંગ અસિસ્ટન્ટ (સહાયક)ની જરૂર છે. જે કોઈ વ્યક્તિ આ નોકરી માટે સિલેક્ટ થશે તેને 19,140.09 યુરો એટલે કે ભારતીય રાશિ મુજબ 18.5 લાખ રૂપિયાનો પગાર મળશે. આ પગાર સિવાય પણ તે વ્યક્તિને અન્ય સુવિધાઓ પણ મળશે.

આ નોકરી મેળવવા માટે અંગ્રેજી અને ગણિત વિષયનું શ્રેષ્ઠ જ્ઞાન હોવું જરૂરી છે. સાથે-સાથે ઈન્ટિરિયર અને અન્ય ચીજવસ્તુઓને ક્લીન કરવી તેમજ ચીજવસ્તુઓની સુંદરરીતે સજાવટ કેવી રીતે કરવી તેની કળા આવડવી પણ જરૂરી છે. આ નોકરી માટે જે વ્યક્તિની પસંદગી થશે તેની કુલ 13 મહિનાની ટ્રેનિંગ રહેશે અને ત્યારબાદ તેને કાયમી કરવામાં આવશે.

આ સિવાય તે વ્યક્તિને અલગ-અલગ પેલેસમાં રહેવા અને ખાવાની સુવિધા પણ મળશે. હાઉસકિપિંગ અસિસ્ટન્ટ (સહાયક)ને વર્ષમાં 33 દિવસની રજાઓ સિવાય ટ્રાવેલિંગ ખર્ચાની સુવિધા સાથે પેન્શન પણ આપવામાં આવશે. તેને જિમ, સ્વિમિંગ પુલ અને ટેનિસ કોર્ટની સુવિધા પણ આપવામાં આવશે. આ નોકરી માટેની અરજી કરવા માટેની છેલ્લી તારીખ 28 ઓક્ટોબર છે.