વિચિત્ર: ફક્ત કોરોનામાંથી રિકવર થયેલા લોકોને જ આ આઈલેન્ડ જવાની મંજૂરી!

કોરોના મહામારીની વચ્ચે લોકોનું ઘરની બહાર નીકળવું મુશ્કેલ છે. પણ એક આઈલેન્ડ એવો છે જ્યાં આવનારા પર્યટકો માટે એક વિચિત્ર શરત મૂકવામાં આવી છે. શરત એવી છે કે, ત્યાં આવનારા લોકો કોરોનામાંથી રિકવર થયેલા હોવા જોઈએ. મતલબ એ કે, અહીં ફક્ત એ જ વ્યક્તિ જઈ શકે છે જેને કોરોના થયો હોય અને તે આ બિમારીમાંથી રિકવર થયો હોચ.

બ્રાઝીલમાં છે આ આઈલેન્ડ

આ આઈલેન્ડ બ્રાઝીલમાં છે. અહીંના ફર્નાન્ડો ડી નોરોન્હા છેલ્લા પાંચ મહિનાથી બંધ હતો. પણ હવે નવી શરતો સાથે ખોલવામાં આવ્યો છે. રિપોર્ટ્સ અનુસાર, હવે રોજ મર્યાદિત સંખ્યામાં જ અહીં લોકોને એન્ટ્રીની પરવાનગી આપવામાં આવે છે. અધિકારીઓએ કહ્યું કે, શર પૂરી કરનારા ટૂરિસ્ટ એક સપ્ટેમ્બરથી અહીં આવી શકે છે.

ઓછામાં ઓછો 20 દિવસ જૂનો હોવો જોઈએ રિપોર્ટ

અધિકારીઓએ જણાવ્યું કે, આવું એટલા માટે રાખવામાં આવ્યું છે જેતી આઈલેન્ડ પર રહેનારા તમામ લોકો સુરક્ષિત રહે. મુલાકાતીઓએ કોરોના પોઝિટિવ નોંધાયાના રિપોર્ટને સાથે લઈને આવવાનું રહેશે અને તે ઓછામાં ઓછો 20 દિવસ જૂનો હોવો જોઈએ. આઈલેન્ડ પર આવનારા લોકોએ પર્યાવરણ સંબંધિત ટેક્સ પણ ચૂકવવો પડશે. આ આઈલેન્ડ નેશનલ મરીન રિઝર્વ માટે જાણીતો છે. યૂનેસ્કોએ તેને વર્લ્ડ હેરિટેજ લિસ્ટમાં પણ શામેલ કર્યો છે.


Brazil, Fernando De Noronha, Coronavirus, Weird News, Covid 19