બાલીમાં મૂવ થયા પછી મળેલા કપલે 3 વર્ષથી ફળ સિવાય બીજું કંઈ જ ખાધું નથી અને તેમનું કહેવું છે કે, હવે તેઓ આ નેચરલ ડાયેટ દ્વારા પોતાના શરીરમાં જબરદસ્ત એનર્જી અનુભવે છે. પૉલેન્ડના વોર્સોવની રહેનારી 39 વર્ષની ટીના સ્ટૉકલોસા જણાવ્યું કે, કેવી રીતે પાંચ વર્ષ પહેલા પ્રી-ક્રિસમસની તૈયારીઓ વખતે તેણે ફ્રૂટેરિયન ડાયેટ વિશે જાણ્યું. બે વર્ષ બાદ આ ઈન્ટિરિયર ડિઝાઈન આર્ટિટેક્ટ ફ્રૂટેરિયન લાઈફસ્ટાઈલમાં ઢળવા અને વેસ્ટર્ન વર્લ્ડના ડિસ્ટ્રેક્શનથી બચવા બાલીમાં મૂવ થઈ ગઈ. તેણે નોંધ્યું કે, ટૂંક સમયમાં જ તેનું વજન ઘટવા લાગ્યું.
છેલ્લા બે વર્ષથી દાંત પણ બ્રશ કર્યા નથી
બાલીમાં જ તે તેના ટૉયબોય ફિયાન્સે સિમોન બ્યૂન(26)ને મળી, જે બેલ્ઝિયમના ઈઝેજેમથી છે. તેણે પોતાના માટે ફ્ર્રૂટેરિયન ડાયેટ શોધ્યા બાદ ટીનાને મેસેજ કર્યો. આ કપલ હવે માત્ર ફળ જ ખાય છે અને દિવસની 2000-4000 કેલેરી કન્ઝ્યૂમ કરે છે અને પોતાની તરસ બુઝાવવા માટે પણ નારિયેળના પાણીનો ઉપયોગ કરે છે. તે કહે છે કે, તેમણે છેલ્લા બે વર્ષથી તેમના દાંત બ્રશ કર્યા નથી કારણ કે, ફ્રૂટમાંથી નિકળતું ફાઈબર તેના દાંતને સાફ કરી નાખે છે. આ સિવાય તેમને ડિપ્રેશન અને બીજી ઘણી બીમારીઓમાં રાહત મળી હોવાનો પણ દાવો કરે છે.
કેવી હતી ફ્રૂટેરિયન બન્યા પહેલાની લાઈફ
તેમણે એમ પણ જણાવ્યું કે, ફ્રૂટેરિયન ડાયેટથી તેમને કેવી રીતે પોતાનું વજન ઉતારવામાં મદદ મળી. ટીનાએ કહ્યું કે, ‘મારી એડલ્ટ લાઈફમાં હું હંમેશા ઓવરવેઈટ રહી છું. બિંગ ઈટિંગ અને ડાયેટિંગથી દર વર્ષે ફક્ત વજનમાં વધારો થતો રહ્યો અને હું વધારે હેલ્પલેસ થતી રહી. ઈન્ટિરિયર ડિઝાઈનર તરીકે એક સક્સેસફુલ કરિયર હોવા છતા હું 36 વર્ષની ઉંમર સુધી સિંગલ રહી.’
ફ્રૂટેરિયન બન્યાં પછી આવેલા ફેરફાર
ટીનાએ, ‘જ્યારે હું પહેલીવાર મારા માટે ગ્રીન સ્મૂધી રેસિપી શોધી રહી હતી ત્યારે મને એક યુવતી ઑનલાઈન મળી જે ફક્ત ફ્રૂટ ખાતી હતી, બાદમાં મેં એક આખું આવું ગ્રુપ શોધ્યું કે જે માત્ર ફ્રૂટ જ ખાય છે અને તેઓ પોતાને ફ્રૂટેરિયન કહે છે. તેમાંના મોટાભાગના લોકો ખૂબ જ હેલ્ધી દેખાતા હતા અને એથ્લિટની માફક એનર્જીથી ભરપૂર. હું તેમને જોઈને આતુર બનીઅને નક્કી કર્યું કે, પ્રિ-ક્રિસમસ વેઈટ લૉસની તૈયાર રૂપે એક અઠવાડિયું ફ્રૂટ ડાયેટ કરું.’ ટીના જણાવે છે કે, આવું કર્યા બાદ તેને ખૂબ પોઝિટિવ ફીલ થવા લાગ્યું. ‘તે અદભુત ફીલિંગ હતી, એકદમ હળવુંફૂલ, આધ્યાત્મિક, હું જમીનથી 30 સેમી ઉપર ચાલવી હોય તેવું લાગતું હતું. મને લાગતું હતું જાણે હું દરેક વસ્તુના પ્રેમમાં છું. આ ડાયેટ ખૂબ જ ઉપયોગી છે અને તે માત્ર એક મેન્ટલ ગેમ છે.’
ક્યારેય નૉર્મલ ફૂડ ન ખાવાનો નિર્ણય કરી લીધો
ટીના આગળ કહે છે કે, ‘આના પછી મેં ક્યારેય નૉર્મલ પર પાછા ન ફરવાનું નક્કી કરી લીધું. પહેલા બે વર્ષમાં મેં સેંકડો વખત રાંધેલો ખોરાક કચરામાં ફેંકી દીધો.’ તે કહે છે કે, આ ડાયેટના લીધે તેને પોતાના વેઈટ લૉસના જીવનભરના સંઘર્ષમાંથી છૂટકારો મળી ગયો છે.
ફ્રૂટેરિયન બનવા કેવી રીતે પ્રેરાયો સિમોન
અગાઉ વિગન રહેનારો સિમોન કહે છે કે, ફ્રૂટેરિયન ડાયેટથી તેને સરળતાથી પોતાનામાં ફેરફાર થતા દેખાયા. સિમોને પોતાની કૉલેજના છેલ્લા વર્ષમાં મેરાથોનની તૈયારી વખતે ફ્રૂટેરિયન ડાયેટ ફોલો કરવાનું શરૂ કર્યું હતું. તે કહે છે કે, ‘ઈન્સ્પાયર્ડ થવા અને મારા રિઝલ્ટને ઈમ્પ્રૂવ કરવા માટે હું અન્ય એથ્લિટના વીડિયોને યૂટ્યૂબ પર જોતો હતો.’
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.