અમેરિકામાં ક્રિસમસ ઉજવી રહેલા 3 ભારતીય ભાઈ-બહેનોના મોત

I am Gujarat

ક્રિસમસ પાર્ટી દરમિયાન લાગી આગ

તસવીર સૌજન્યઃ ધ ટ્રિબ્યુન વોશિંગ્ટન: આખી દુનિયા જ્યારે ક્રિસમસની પાર્ટી સેલિબ્રેટ કરી રહી હતી, ત્યારે તેલંગાણાના એક પરિવાર માટે આ દિવસ કહેરની જેમ તૂટી પડ્યો. અમેરિકામાં અભ્યાસ કરતા તેમના ત્રણ બાળકોનું ક્રિસમસ પાર્ટી દરમિયાન આગ લાગવાને કારણે મોત થઈ ગયું. આ ઘટનામાં પાર્ટી આયોજિત કરનારી અમેરિકાની મહિલાનું પણ મોત થઈ ગયું છે. અમારા ન્યૂઝ WhatsApp પર મેળવવા અહીં ક્લિક કરો

કોડરાઈટ્સ ચર્ચે ઘટના અંગે શું કહ્યું?

તસવીર સૌજન્યઃ ધ પાયોનિયર કોડરાઈટ્સ ચર્ચ તરફથી અપાયેલા એક સ્ટેટમેન્ટ મુજબ, ‘કોલીરવિલેની કારી કોડરાઈટ અને ભારતના નાઈક પરિવારના ત્રણ બાળકોનું આગ લાગવાની ઘટનામાં મોત થઈ ગયું.’ ચર્ચે કહ્યું કે, ‘કોડરાઈટ હોમમાં 23 ડિસેમ્બરની રાત્રે 11 કલાકે આગ લાગી ગઈ હતી. કોડરાઈટ પરિવાર બાળકોની સાથે ક્રિસમસની ઉજવણી કરી રહ્યું હતું.’

આ ત્રણ બાળકોના થઈ ગયા મોત

રિપોર્ટમાં કહેવાયું છે કે, કારીના પતિ ડેની અને તેમનો દીકરો કોલ કોઈ રીતે આગથી બચી જવામાં સફળ રહ્યા. આ ઘટનામાં શેરન (17 વર્ષ), જોય (15 વર્ષ) અને આરોન (14 વર્ષ)નું મોત થઈ ગયું છે. તેમનો પરિવાર ભારતથી આવી રહ્યો છે અને તેમને ઘટના વિશે જણાવાઈ રહ્યું છે.

ફેન્ચ કેમ્પ એકેડમીમાં ભણતા હતા આ બાળકો

ત્રણે ભાઈ-બહેન મિસીસિપીમાં ફ્રેન્ચ કેમ્પ એકેડમીમાં અભ્યાસ કરી રહ્યા હતા. એકેડમીએ કહ્યું કે, તે આ ઘટનાથી ઘણું દુઃખી છે. ચાર વર્ષથી કોડરાઈટ પરિવારને જાણતા કેથ પોટ્સએ જણાવ્યું કે, નાયક બાળકો મિસીસિપીની એક સ્કૂલમાં અભ્યાસ કરતા હતા. જ્યારે સ્કૂલમાં વિન્ટર વેકેશન પડ્યું તો બાળકો પોતાના ઘરે ન જઈ શક્યા, એટલે કોડરાઈટ પરિવારે તેમને પોતાના ઘરે બોલાવી લીધા હતા. કોલીરવિલેના મેયર સ્ટાન જોયનેરે જણાવ્યું કે, ઘટનાની તપાસ કરવામાં આવી રહી છે.