આ મારી અંતિમ પોસ્ટ છે
સોમવારે નોયસે પોતાના ઈન્સ્ટાગ્રામ પેજ પર એક વિડીયો પોસ્ટ કર્યો હતો. વિડીયોમાં કંઈક લખતા પહેલા તે ડાન્સ કરતી અને ગાતી જોવા મળી હતી. તેણે લખ્યું હતું કે, હું જાણું છું કે હું તમને બધાને હેરાન કરી રહી છું. આ મારી અંતિમ પોસ્ટ છે. તેના પિતાએ જણાવ્યું હતું કે, હું તને ફરીથી એક વખત ગળે લગાડવા ઈચ્છું છું. હવે હું ઘરે આવીશ અને તું મારી રાહ જોતી નહીં હોય. તે મારી નાની બેસ્ટ ફ્રેન્ડ હતી અને હું આના માટે તૈયાર ન હતો, મેં ક્યારેય તેની અંતિમ ક્રિયાની કલ્પના પણ કરી ન હતી. હું જ્યારે ઘરે આવતો હતો ત્યારે તે હંમેશા ખુશ થતી હતી.
નોયસના બે એકાઉન્ટ હતા
નોયસના બે એકાઉન્ટ હતા. તેણે પોતાનો અંતિમ વિડીયો બીજા એકાઉન્ટ પરથી પોસ્ટ કર્યો હતો જેમાં તેના 70,000 ફોલોઅર્સ હતા. નોયાસ પોતાના ઈન્સ્ટાગ્રામ એકાઉન્ટ પરથી પોતાની બ્યૂટી શોપ ચલાવતી હતી જેમાં 1,12,000 ફોલોઅર્સ હતા. તેનું એક યુટ્યુબ પેજ હતું જ્યાં તે પોતાના જીવન અને તેની લાઈફસ્ટાઈલ વિશે વ્લોગ લખતી હતી.
તેના ચાહકોએ નોયસને આપી શ્રદ્ધાંજલિ
નોયસના ચાહકોએ ટિકટોક પર તેને શ્રદ્ધાંજલિ પાઠવી હતી. ટિકટોક પર તેના 1.5 મિલિયન ફોલોઅર્સ છે. એક યુઝરે લખ્યું હતું કે, ભગવાન તારી આત્માને શાંતિ અર્પે. તારા પરિવારને આઘાત કરવાની શક્તિ આપે. યુટ્યુબર્સ ધ ટ્રેન્ચ ફેમિલીએ લખ્યું હતું કે, સ્વર્ગમાં તને શાંતિ મળે. એક યુઝરે લખ્યું હતું કે, મને વિશ્વાસ થઈ રહ્યો નથી કે તું જતી રહી છે.