ભારત સાથે પંગો લેવો PAKને મોંઘું પડ્યું, ટામેટાના ભાવ ₹300 પ્રતિ કિલોએ પહોંચ્યા

જમ્મુ-કાશ્મીરમાંથી મોદી સરકારના આર્ટિકલ 370 હટાવવાના નિર્ણયથી ગુસ્સે થયેલા પાકિસ્તાનને ભારત સાથે વેપાર બંધ કરવો હવે મોંઘુ પડી રહ્યું છે. ભારતથી નિકાસ કરાતા સામાન પણ સંપૂર્ણ રીતે પ્રતિબંધિત કરાયા બાદ પાકિસ્તાનમાં ટામેટાના ભાવ આસમાને પહોંચી ગયો છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો હિન્દી ન્યૂઝ વેબસાઈટ આજતકડોટકોમના અહેવાલ મુજબ, મોંઘવારીનો સામનો કરી રહેલા પાકિસ્તાનના લોકોને 300 રૂપિયા પ્રતિ કિલો સુધીના ભાવે ટામેટા ખરીદવા પડી રહ્યા છે. આમ મોંઘવારીના કારણે ટામેટા ખરીદવા લોકોની કમર તૂટી ગઈ છે. ટામેટાના ભાવ આ રીતે વધી જતા સ્પષ્ટ થઈ ગયું છે કે ઈમરાન ખાને ભારત સાથે વેપારના સંબંધો બંધ કરતા પાકિસ્તાનના નાગરિકોને સીધું નુકસાન થઈ રહ્યું છે. ભારત તરફથી પાકિસ્તાનમાં રોજ લીલા શાકભાજી અને ખાસ કરીને ટામેટાનો મોટો જથ્થો મોકલવામાં આવતો હતો. આ કારણે ત્યાં ટામેટાના ભાવ નિયંત્રિત રહેતા હતા. પરંતુ પાકિસ્તાન સરકારના આ નિર્ણય બાદ ભારતથી ટામેટાની સપ્લાય બંધ થઈ હતી. જેથી ટામેટાના ભાવ ત્યાં આસમાને પહોંચી ગયા છે. પાકિસ્તાનનો આ નિર્ણય પોતાના જ પગ પર કુહાડી મારવા સમાન સાબિત થયો છે.