રિપબ્લિકન કન્વેન્શમાં ટ્રમ્પ સામે બળવો, વિરોધી સૂર દબાવાયો

ક્લીવલેન્ડ

રિપબ્લિકન કન્વેન્શનમાં ડોનાલ્ડ ટ્રમ્પ સામે બળવાની સ્થિતિ ઉભી થઈ હતી પરંતુ તેને દાબી દેવામાં સફળતા મળી હતી. કન્વેન્શનમાં ટ્રમ્પના વિરોધીઓ અને સમર્થકો એકબીજા પર ગુસ્સામાં બૂમબરાડા કરતા નજરે પડ્યાં હતાં. જેના કારણે વ્હાઈટ હાઉસ માટે રિપબ્લિકન પાર્ટીના ઉમેદવારની ઘોષણા શાંતિપૂર્ણ રીતે કરવાની ટ્રમ્પની યોજનામાં ખલેલ પડી હતી. ક્લીવલેન્ડમાં કટાક્ષ અને બૂમોનો શોરબકોર હતો કેમકે હજારો રિપબ્લિકન ડેલીગેટ્સ વચ્ચે મતભેદ જાહેર થયા હતા.

ટ્રમ્પ વિરોધી રિપબ્લિકને એ વાત પર રોષ જાહેર કર્યો હતો કે તેમની પાર્ટી હવે એક એવા માણસના નેતૃત્વમાં કામ કરશે, જેણે મેક્સિકોના લોકોને બળાત્કારી ગણાવ્યા અને મુસ્લિમોને પ્રતિબંધિત કરવાની વાત કહી છે. રિપબ્લિકન નેતાઓએ તેમને અસંમતિ નોંધાવવાની તક ન આપવામાં આવી તો તેમણે પોતાનો ગુસ્સો વ્યક્ત કર્યો હતો.

વર્જિનિયાના ડેલીગેટ ડાયના શોર્સે કહ્યું હતું, ‘અમારી વાત સાંભળવી જોઈએ, આ જનતાનું કન્વેન્શન છે. જ્યારે ટ્રમ્પ સમર્થક ડેલીગેટ્સે વિરોધીઓના અવાજો શરમ કરો, શરમ કરો એમ કહીને દબાવવાનો પ્રયાસ કર્યો હતો.’ ટ્રમ્પ થોડો સમય જ રોકાયા હતા અને સ્થળ છોડી ગયા હતા. એ દરમિયાન તેમણે નવેમ્બરની ચૂંટણીમાં પાર્ટી મોટી જીત મેળવશે એવો દાવો કર્યો હતો.