વોશિંગટન: ટ્રંપ પ્રશાસને ફેડરલ કોર્ટને જણાવ્યું છે કે, તેમણે H-4 વિઝા હોલ્ડર્સની વર્ક પરમીટ રદ કરવાનો નિર્ણય કર્યો છે. આ નિર્ણયની સૌથી વધુ અસર અમેરિકન-ભારતીય મહિલાઓ પર પડશે કરાણકે ઓબામાના કાર્યકાળ દરમિયાન લાગૂ કરવામાં આવેલા આ નિયમ હેઠળ સૌથી વધુ ફાયદો મહિલાઓને થયો હતો. ટ્રંપ પ્રશાસન આગામી 3 મહિનામાં H-4 વિઝાહોલ્ડર્સની વર્ક પરમિટ રદ કરવા માગે છે.
કોને મળે છે H-4 વિઝા?
H-4 વિઝા યૂએસ સિટીઝનશીપ એન્ડ ઈમિગ્રેશન સર્વિસ (USCIS) આપે છે. આ વિઝા H-1B વિઝા હોલ્ડર્સના નજીકના પરિવારજનો (પતિ-પત્ની અને 21 વર્ષથી ઓછી ઉંમરના બાળકો)ને આપવામાં આવે છે. આ વિઝાની સૌથી વધુ ડિમાન્ડ ભારતીય આઈટી પ્રોફેશનલ્સમાં હોય છે. ડિપાર્ટમેન્ટ ઓફ હોમલેન્ડ સિક્યોરિટી (DHS)એ શુક્રવારે ડિસ્ટ્રિક્ટ ઓફ કોલંબિયાની યૂએસ ડિસ્ટ્રીક્ટ કોર્ટને જણાવ્યું કે, H-1B વિઝા હોલ્ડરના પરિજનોને H-4 વિઝા દ્વારા મળનારી વર્ક પરમીટને રદ કરવા જઈ રહ્યા છીએ અને આ દિશામાં કડક અને ઝડપી પગલાં ભરવામાં આવી રહ્યા છે.
અમેરિકી વર્કર્સને નુકસાન થતું હોવાની રજૂઆત
DHSએ જણાવ્યું કે, “નવા નિયમોને 3 મહિનાની અંદર વ્હાઈટ હાઉસના બજેટ મેનેજમેન્ટમાં જમા કરાવી દેવાશે.” ડિપાર્ટમેન્ટે કોર્ટને દરમિયાન પ્રસ્તાવિત નિયમોને પડકારતી અરજી પર રોક લગાવવનો આગ્રહ રાખ્યો છે. બીજી તરફ અરજી દાખલ કરનારા ગ્રુપે કોર્ટને જલ્દી જ ફેંસલો સંભળાવવાનો આગ્રહ રાખ્યો છે. જણાવી દઈએ કે, અમેરિકાના વર્કરોના એક ગ્રુપનું પ્રતિનિધિત્વ કરતી ‘સેવ જોબ્સ યૂએસએ’ નામની સંસ્થાએ કોર્ટમાં અરજી દાખલ કરી છે. અરજીમાં રજૂઆત કરાઈ છે કે, સરકારની આ નીતિઓના કારણે તેમની નોકરી પર અસર થશે. કેસ જેટલો લાંબો ચાલશે તેટલું વધારે નુકસાન અમેરિકી વર્કર્સને થશે.
ઓબામા એડમિનિસ્ટ્રેશને શરૂ કર્યો હતો નિયમ
ટ્રંપ એડમિનિસ્ટ્રેશન હાલ H-1B વિઝા પોલીસીની સમીક્ષા કરે છે. તેમને લાગે છે કે કંપનીઓ આ વિઝાનો દુરુપયોગ કરી અમેરિકી વર્કરના બદલે અન્ય લોકોને નોકરી આપી રહી છે. જણાવી દઈએ કે, H-4 વિઝા પર વર્ક પરમીટ આપવાનો નિયમ બરાક ઓબામા પ્રસાશને મે 2015માં લાગુ કર્યો હતો. ત્યારથી લઈને 25 ડિસેમ્બર 2017 સુધીમાં વર્ક પરમીટ માટે H-4 વિઝા હોલ્ડર્સની 1,26,853 એપ્લિકેશન્સને USCISએ મંજૂરી આપી છે. જેમાં 90,946 શરૂઆતની મંજૂરી, 35,219 રીન્યૂઅલ અને 688 ખોવાયેલા કાર્ડ ફરી બનાવવાની એપ્લિકેશનનો સમાવેશ થાય છે.
શિવાની જોષી છેલ્લા સાત વર્ષથી વધુ સમય કરતાં પત્રકારત્વના ક્ષેત્રમાં છે. કારકિર્દીની શરૂઆતથી જ તેઓ ન્યૂઝ એડિટિંગના કામનો અનુભવ ધરાવે છે. તેમણે ગુજરાત યુનિવર્સિટી સંલગ્ન કોલેજમાંથી ગ્રેજ્યુએશન (બીકોમ) કર્યું છે. ત્યારબાદ ગુજરાત યુનિવર્સિટીના જ માસ કમ્યુનિકેશન, જર્નાલિઝમ એન્ડ પબ્લિક રિલેશન ડિપાર્ટમેન્ટમાંથી પોસ્ટ ગ્રેજ્યુએશનની ડિગ્રી મેળવી અને પત્રકારત્વના ક્ષેત્રે જોડાયા. તેઓ વીટીવી ન્યૂઝ, એબીપી અસ્મિતા જેવી ન્યૂઝ ચેનલ સાથે કામ કરી ચૂક્યા છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.