ટોક્યો પર વિનાશક વાવાઝોડું Hagibis ત્રાટકવાની તૈયારી, 160 કિમીની ઝડપે ફુંકાશે પવન

ટોક્યો: જાપાન પર વિનાશક વાવાઝોડાંનો ખતરો મંડરાઈ રહ્યો છે. વાવાઝોડું Hagibis ટોક્યોની નજીક શનિવારે સાંજ સુધીમાં લેન્ડ ફોલ કરે તેવી શક્યતા છે. જેને ધ્યાનમાં લઈને સરકારે ટોક્યો અને તેની આસપાસના વિસ્તારમાં અતિભારે વરસાદ તેમજ તોફાની પવન ફુંકાવાની ચેતવણી આપી છે. એટલું જ નહીં, વાવાઝોડાંની વિનાશકતાને ધ્યાનમાં લેતા 50 લાખ લોકોને સલામત સ્થળે ખસી જવાની સૂચના અપાઈ છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો વાવાઝોડાંને કારણે બુલેટ ટ્રેનો રોકી દેવાઈ વાવાઝોડાંને કારણે ટોક્યોથી ઉપડતી અને ટોક્યો તરફ આવતી તમામ બુલેટ ટ્રેનો પણ ર્દદ કરી દેવામાં આવી છે. શનિવારે ટોક્યોમાં બજારો પણ મોટાભાગે બંધ જ રહ્યા હતા. ભારે પવનને કારણે કાર ઉડી જવાથી ટોક્યોની પાસે એક વ્યક્તિનું મોત થયાના પણ અહેવાલ છે. અત્યારસુધી અઢી લાખથી વધુ લોકોને સલામત સ્થળે ખસેડાઈ ચૂક્યા છે, અને 50 લાખ લોકોને ખસી જવા માટે ચેતવણી અપાઈ છે. કેટલાક વિસ્તારોમાં ભારે પવન ફુંકાતા વીજળી પણ ગુલ થઈ ગઈ છે. દરિયામાં ઉછળ્યા રાક્ષસી મોજાં, ભારે વરસાદ શરુ જાપાનમાં હાલ રગ્બી વર્લ્ડકપ ચાલી રહ્યો છે, પરંતુ વાવાઝોડાંને કારણે તેનું શિડ્યૂલ પણ ખોરંભે ચઢી ગયું છે. રવિવારે સુઝુકામાં ફોર્મ્યુલા વન ગ્રાંડ પિક્સ રમાવાની છે, પરંતુ તેના પર પણ હવે ખતરો મંડરાઈ રહ્યો છે. મહત્વનું છે કે, ટોક્યો દુનિયાનું સૌથી ગીચ વસ્તી ધરાવતું શહેર છે, અને વાવાઝોડાંને લીધે અહીં ભારે વરસાદને કારણે નદીઓમાં ઘોડાપૂર આવવાની પણ આશંકા છે. વરસાદી પાણીમાં ડૂબ્યા વાહનો, 50 લાખથી વધુનું સ્થળાંતર કરાશે દેશના હવામાન ખાતાએ ચેતવણી આપી છે કે, હગિબિસ વાવાઝોડું દેશમાં 1958માં આવેલા વાવાઝોડાં કરતાં પણ વિનાશક સાબિત થઈ શકે છે. ઉલ્લેખનીય છે કે, 1958ના વાવાઝોડાંમાં ટોક્યો તેમજ તેની આસપાસના વિસ્તારોમાં 1200 લોકોનાં મોત થયા હતા. વાવાઝોડું લેન્ડફોલ કરે ત્યારે 160 કિમી પ્રતિ કલાકની ઝડપે પવન ફુંકાઈ શકે છે. જાપાનના હોન્શુ આયલેન્ડમાં તો વાવાઝોડાંની અસર હેઠળ જોરદાર વરસાદ તેમજ તોફાની પવન ફુંકાવાનું શરુ પણ થઈ ગયું છે.