શિકાગો: અમેરિકાના શિકાગોમાં ઈલિનોયના હાઈલેન્ડ પાર્કમાં સોમવારે ફ્રીડમ ડે પર પરેડ યોજવામાં આવી હતી. પરંતુ ત્યાં અચાનક ગોળીઓ ચાલવા લાગી. આ ઘટનાથી ત્યાં અફરા-તફરી મચી ગઈ. રોયટર્સના રિપોર્ટ મુજબ, ઈલિનોયના ગવર્નરે દાવો કર્યો છે કે, આ ફાયરિંગમાં અત્યાર સુધીમાં 5 લોકોના મોત થયા છે અને 19 લોકો ઘાયલ થયા છે. જણાવાઈ રહ્યું છે કે, એક ઊંચી બિલ્ડિંગ પરથી આ ફાયરિંગ કરવામાં આવ્યું છે. અમેરિકા તેનો 246મો સ્વતંત્રતા દિવસ ઉજવી રહ્યો છે.
પોલીસે આશંકા વ્યક્ત કરી છે કે, હુમલાખોર કાળા રંગની એસયુવીમાં હોઈ શકે છે. પોલીસે હુમલાખોરને પકડવા માટે વિસ્તારની ઘેરાબંધી કરી લીધી છે. શિકાગો સન-ટાઈમ્સના રિપોર્ટ મુજબ, પરેડ શરૂ થયાના લગભગ 10 મિનિટ પછી ગોળીઓ ચલાવાઈ હતી. તે પછી પરેડને રોકી દેવાઈ. હજારો લોકો જીવ બચાવવા દોડવા લાગ્યા.
સિટી ઓફ હાઈલેન્ડ પાર્કે પોતાની વેબસાઈટ પર જણાવ્યું કે, 5 લોકોના મોત થયા છે અને 16ને હોસ્પિટલમાં એડમિટ કરાયા છે. સૂત્રએ જણાવ્યું કે, હુમલાખોર હજુ ફરાર છે. અમેરિકાના સાંસદ બ્રેડ શ્નાઈડર જેના જિલ્લામાં હાઈલેન્ડ પાર્ક સામેલ છે, તેમણે કહ્યું કે, જ્યારે ફાયરિંગ શરું થયું ત્યારે તેઓ અને તેમની ટીમના સભ્યો પરેડની શરૂઆતમાં એકઠા થઈ રહ્યા હતા. શ્નાઈડરે ટ્વિટર પર કહ્યું કે 'લોકો ઘાયલ થયા અને માર્યા ગયા હોવા અંગે સાંભળ્યું. પરિવાર અને પ્રિયજનો પ્રત્યે મારી સંવેદના અને ઘાયલો માટે મારી પ્રાર્થના છે.' તેમણે કહ્યું કે, 'હવે હદ થઈ ગઈ છે.'
ગત ગુરુવારે અમેરિકાના કેંટુકી પ્રાંતમાં એક વ્યક્તિએ પોલીસની એક ટીમ પર ગોળીબાર કરી દીધો હતો, જેના કારણે ત્રણ અધિકારીઓના મોત થઈ ગયા હતા અને પાંચ અન્ય ઘાયલ થયા હતા. આ મામલે પોલીસે 49 વર્ષના લાન્સ સ્ટોર્જની ધરપકડ કરી હતી. પોલીસ તેના ઘરે વોરન્ટ બજાવવા ગઈ હતી ત્યારે તેણે હુમલો કરી દીધો હતો.
પોલીસે આશંકા વ્યક્ત કરી છે કે, હુમલાખોર કાળા રંગની એસયુવીમાં હોઈ શકે છે. પોલીસે હુમલાખોરને પકડવા માટે વિસ્તારની ઘેરાબંધી કરી લીધી છે. શિકાગો સન-ટાઈમ્સના રિપોર્ટ મુજબ, પરેડ શરૂ થયાના લગભગ 10 મિનિટ પછી ગોળીઓ ચલાવાઈ હતી. તે પછી પરેડને રોકી દેવાઈ. હજારો લોકો જીવ બચાવવા દોડવા લાગ્યા.
સિટી ઓફ હાઈલેન્ડ પાર્કે પોતાની વેબસાઈટ પર જણાવ્યું કે, 5 લોકોના મોત થયા છે અને 16ને હોસ્પિટલમાં એડમિટ કરાયા છે. સૂત્રએ જણાવ્યું કે, હુમલાખોર હજુ ફરાર છે. અમેરિકાના સાંસદ બ્રેડ શ્નાઈડર જેના જિલ્લામાં હાઈલેન્ડ પાર્ક સામેલ છે, તેમણે કહ્યું કે, જ્યારે ફાયરિંગ શરું થયું ત્યારે તેઓ અને તેમની ટીમના સભ્યો પરેડની શરૂઆતમાં એકઠા થઈ રહ્યા હતા. શ્નાઈડરે ટ્વિટર પર કહ્યું કે 'લોકો ઘાયલ થયા અને માર્યા ગયા હોવા અંગે સાંભળ્યું. પરિવાર અને પ્રિયજનો પ્રત્યે મારી સંવેદના અને ઘાયલો માટે મારી પ્રાર્થના છે.' તેમણે કહ્યું કે, 'હવે હદ થઈ ગઈ છે.'
ગત ગુરુવારે અમેરિકાના કેંટુકી પ્રાંતમાં એક વ્યક્તિએ પોલીસની એક ટીમ પર ગોળીબાર કરી દીધો હતો, જેના કારણે ત્રણ અધિકારીઓના મોત થઈ ગયા હતા અને પાંચ અન્ય ઘાયલ થયા હતા. આ મામલે પોલીસે 49 વર્ષના લાન્સ સ્ટોર્જની ધરપકડ કરી હતી. પોલીસ તેના ઘરે વોરન્ટ બજાવવા ગઈ હતી ત્યારે તેણે હુમલો કરી દીધો હતો.