અમેરિકાએ કહ્યું, દક્ષિણ ચીન સાગર વિવાદ પર ભારત પાસેથી શીખવું જોઈએ

વોશિંગ્ટન: વિવાદિત દક્ષિણ ચીન સાગર પર નિર્ણય આવતા પહેલા અમેરિકાએ ચીનને ભારત પાસેથી શીખવાની સલાહ આપી છે. અમેરિકાએ કહ્યું છે કે, ભારતે પોતાના પડોશી દેશો સાથે જે રીતે દરિયાઈ વિવાદોને ઉકેલ્યા છે, તેનાથી ચીને શીખવું જોઈએ.

ઉલ્લેખનીય છે કે, દક્ષિણ ચીન સાગરને લઈને ચીનનો વિયેતનામ, ફિલિપાઈન્સ, તાઈવાન અને બીજા ઘણા દેશો સાથે વિવાદ ચાલી રહ્યો છે. આ વિવાદ પર એક આંતરાષ્ટ્રીય મધ્યસ્થા ટ્રીબ્યૂનલનો આગામી સપ્તાહે ફેંસલો આવવાનો છે.

પૂર્વ એશિયા માટે સંરક્ષણ મામલાઓના અમેરિકાના ડેપ્યુટી આસિસ્ટન્ટ સેક્રેટરી અબ્રાહમ ડેનમાર્કે અમેરિકન કોંગ્રેસમાં કહ્યું કે, ‘ફિલિપાઈન્સએ સમગ્ર દક્ષિણ એશિયા પર ચીનના દાવા વિરુદ્ધ આતંરાષ્ટ્રીય મધ્યસ્થા કોર્ટના દરવાજા ખખડાવ્યા છે. ચીને કોર્ટના અધિકાર ક્ષેત્રને લઈને અસ્વીકાર અને અસહકારનું વલણ અપનાવી રાખ્યું છે.’

તેમણે વધુમાં કહ્યું કે, ‘વર્ષ 2014માં, સ્થાયી મધ્યસ્થા કોર્ટે (જો કોર્ટે (એ કોર્ટ જે હવે દક્ષિણ ચીન સાગર પર નિર્ણય આપવાની છે) લગભગ 30 વર્ષ જૂના એક દરિયાઈ વિવાદમાં ભારતની વિરુદ્ધ અને બાંગ્લાદેશના પક્ષમાં ફેંસલો આપ્યો હતો. ભારતે આ નિર્ણયનો સ્વીકાર કર્યો અને તેનું પાલન પણ કર્યું. ભારતે ત્યારે માન્યું કે આ મામલાનું સમાધન થવાથી પરસ્પર સમજદારી અને બંને દેશોની વચ્ચે મિત્રતામાં વધારો થશે. આ એક એવું ઉદાહરણ છે, જેનું અનુકરણ કરવાની અમે ચીન પાસેથી પણ અપેક્ષા રાખીએ છીએ.’