અમેરિકાની ચૂંટણીમાં હાર તરફ આગળ વધી રહ્યા છે ડોનાલ્ડ ટ્રમ્પ, છોડી દેશે અમેરિકા?

ડોનાલ્ડ ટ્રમ્પના વિરોધી જો વાઈડન સામે હારી રહ્યા હોય તેવું ચિત્ર દેખાઈ રહ્યું છે. હવે ચૂંટણ પછી મતગણતરી ચાલી રહી છે ત્યારે સોશિયલ મીડિયા પર લોકો ટ્રમ્પને સવાલ પૂછી રહ્યા છે કે શું તે હાર પછી દેશ છોડી દેશે? આના પાછળનું કારણ એટલું જ છે કે ટ્રમ્પે નિવેદન કર્યું હતું કે હાર પછી તેમને દેશ છોડવો પડી શકે છે.

'મેક અમેરિકા ગ્રેટ અગેન' સ્લોગન સાથે અમેરિકામાં સત્તામાં આવેલા રાષ્ટ્રપ્રમુખ ડોનાલ્ડ ટ્રમ્પ હાલના ચૂંટણી પરિણામોમાં જો બાઈડન કરતા પાછળ ચાલી રહ્યા છે. અત્યાર સુધીમાં બાઈડનને 264 અને ટ્રમ્પને 214 ઈલેક્ટ્રોલ મત મળ્યા છે. ટ્રમ્પની હારની આશંકા બાદ હવે અટકળો લગાવવામાં આવી રહી છે કે તેઓ દેશ છોડી દેશે? ટ્રમ્પે ચૂંટણી પ્રચાર દરમિયાન જોર્જિયામાં કહ્યું હતું કે તેઓ 3 નવેમ્બરે પોતાની ડેમોક્રેટિક પાર્ટીના પ્રતિદ્વંદ્રી સામે ચૂંટણી હારી જશે તો કદાચ દેશ છોડવો પડશે. ટ્રમ્પે કહ્યું, "મારે મજાક ના કરવી જોઈએ પણ રાષ્ટ્રપ્રમુખની ચૂંટણીના રાજકારણના ઇતિહાસમાં સૌથી ખરાબ ઉમેદવાર સામે લડવાનું દબાણ મારા પર ડ્યું છે. શું તમે વિચારી શકો છો કે હું હારી ગયો? આખું જીવન, હું શું કરવા જઈ રહ્યો છું? હું કહેવા જઈ રહ્યો છું કે હું રાજકારણના ઇતિહાસમાં સૌથી ખરાબ ઉમેદવાર સામે હારી ગયો. મને બિલકુલ સારું નહીં લાગે."

'લગભગ મારે દેશ છોડવો પડશે? મને નથી ખબર'

રાષ્ટ્રપ્રમુખ ટ્રમ્પે કહ્યું હતું, "કદાચ મારે દેશ છોડવો પડી શકે છે? મને નથી ખબર." ટ્રમ્પે કહ્યું કે જો બાઈડન સત્તામાં આવે છે તો તેઓ દેશને કમ્યુનિઝ્મ આપશે અને ગુનાહિત પ્રવાસીઓનો ધસારો વધશે. તેમણે એ પણ કહ્યું કે બાઈડનનો પરિવાર ક્રિમિનલ એન્ટરપ્રાઈઝ છે. આ પછી ટ્રમ્પે દેશ છોડવાવાળું નિવેદન કર્યું હતું.

બાઈડને ટ્વિટ કર્યું, હતું, વચન? બાઈડને ટ્રમ્પના નિવેદનવાળો વિડીયો પણ ટ્વિટ કર્યો હતો. ચૂંટણીમાં ખરાબ પ્રદર્શન બાદ સોશિયલ મીડિયા પર લોકો ટ્રમ્પને ટ્રોલ કરી રહ્યા છે. સાથે જ સવાલ પૂછી રહ્યા છે કે શું ટ્રમ્પ હાર પછી દેશ છોડી દેશે?