બેઈજિંગઃ કોરોના વાયરસ, હોંગકોંગ અને સાઉથ ચાઈના સીને લઈને અંદરો અંદર ઝઘડી રહેલા અમેરિકા અને ચીન વચ્ચે તણાવ વધી રહ્યો છે. અમેરિકાએ ચીન પર આરોપ લગાવ્યો હતો કે ટિકટોકનો ડેટા સીધો ચીનના સર્વર પર સ્ટોર થાય છે જ્યારે ચીને તેનો વળતો પ્રહાર કરતા કહ્યું છે કે અમેરિકા વિશ્વમાં સૌથી મોટુ હેકિંગનું સામ્રાજ્ય ચલાવે છે. નોંધનીય છે કે થોડા દિવસ પહેલા જ ઓસ્ટ્રેલિયાએ આડકતરી રીતે ચીન પર હેકિંગનો આરોપ લગાવ્યો હતો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
અમેરિકા પાસે શું પૂરાવા છે? ચીન
ચીનના વિદેશ મંત્રાલયના પ્રવક્તા હુઆ ચુનયિંગે કહ્યું છે કે અમેરિકાએ આરોપ લગાવ્યો છે કે ટિકટોકનો ડેટા ચીનની આર્મી અને ચીનની કોમ્યુનિસ્ટ પાર્ટી પાસે જાય છે. તો તેની પાસે શું પૂરાવા છે? અમેરિકા પોતાના મજબૂત મૂલ્યોનો દાવો કરે છે તેમ છતાં એક સોશિયલ મીડિયા પ્લેટફોર્મથી ડરેલું છે જેના પર યુવાનો પોતાના વીડિયો શેર કરે છે.
પ્રિઝમ ગેટ ઘટનાનો ચીને આપ્યો હવાલો
તેમણે કહ્યું છે કે અમેરિકન પ્રિઝમ ગેટની ઘટના પરથી ખ્યાલ આવે છે કે તે વિશ્વમાં સૌથી મોટુ હેકિંગનું સામ્રાજ્ય ચલાવી રહ્યું છે. તે ગેરકાયદેસર રીતે લોકોની ગતિવિધિઓ પર નજર રાખી રહ્યું છે. અમને લાગે છે કે અમેરિકા પોતાના પર ધ્યાન આપવું જોઈએ.