બગદાદીના ઠેકાણા પર કરેલા હુમલાનો વિડીયો US આર્મીએ જાહેર કર્યો

વોશિંગટનઃ પાકિસ્તાનમાં ઘૂસીને અમેરિકાની આર્મીએ લાદેનનો ખાતમો કર્યા બાદ ઈસ્લામિક સ્ટેટ (IS)ના આકા અબુ બકર અલગ બગદાદીનો પણ એ જ રીતે ખાતમો બોલાવી દીધો. અમેરિકાની સેનાએ બગદાદીનો મૃતદેહ આંતરાષ્ટ્રીય નિયમો મુજબ સમુદ્રમાં દફનાવ્યો હોવાનું જણાવ્યું હતું. આ સાથે સૈન્યએ કરેલી કાર્યાવાહીનો વિડીયો ફુટેજ અને ફોટોગ્રાફ્સ પણ શેર કર્યા છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: વિડીયો ફુટેજમાં કેટલાક સૈનિકો આઈએસ આતંકી બગદાદીના ઠેકાણા પર કાર્યવાહીની તૈયારી કરતા દેખાય છે. ઉત્તર સીરિયામાં બગદાદીના ઠેકાણા પર રેડ દરમિયાન બ્લેક એન્ડ વ્હાઈટ ફુટેજ દેખાય છે.અમેરિકાના સેન્ટ્રલ કમાંડ ચીફ જનરલ ફ્રેંક મેકેન્જીએ પોતાની સેનાની પ્રશંસા કરીને આ ઓપરેશન અંગે જાણકારી આપી. તેમણે કહ્યું કે તમામ હુમલાખોરો અને બચેલા લોકોને બાદ બગદાદીના ઠેકાણા પર બોમ્બમારો કરવામાં આવ્યો.મેકેંજી જોકે, અમેરિકાના રાષ્ટ્રપ્રમુખ ડૉનાલ્ડ ટ્રમ્પના તે દાવાની પુષ્ટી કરવામાં અસમર્થ દેખાયા હતા, કે બગદાદી તેના મોતની અંત ક્ષણોમાં રડી રહ્યો હતો.તેમણે જણાવ્યું હતું કે, બગદાદીએ પોતાને સુરંગમાં ઉડાવી દીધો હતો, તે પછી તેની સાથે બે બાળકોની લાશને દરિયામાં દફનાવી દેવાઈ હતી. મેકેંજીએ કહ્યું, શરુઆતના રિપોર્ટમાં કહેવામાં આવ્યું કે ત્રણ બાળકો છે, પણ પછી વિશ્લેષણમાં જોવા મળ્યું કે, બન્ને બાળકો 12 વર્ષની ઉંમરના હતા.