અમેરિકાનાં પ્રેસિડન્ટ ઈલેક્શનમાં ભારતીય વોટર્સ રહેશે ગેમ ચેન્જર, સમીકરણોમાં ફેરફાર આ રીતે સંભવ

US election NRI voters impact: અમેરિકામાં આગામી વર્ષે પ્રેસિડન્ટ ઈલેક્શન થવા જઈ રહ્યું છે. તેવામાં મીડિયા રિપોર્ટ્સ અને નિષ્ણાંતોનાં પ્રમાણે આમાં ભારતીય વોટર્સનું યોગદાન અત્યંત મહત્ત્વપૂર્ણ રહેશે. તેવામાં ડેમોક્રેટિક પાર્ટી ભારતવંશીઓને એકસાથે લાવવાની યોજના બનાવી રહી છે. જેથી કરીને બાઈડન ફરી એકવાર રાષ્ટ્રપતિ બનવામાં મહત્ત્વપૂર્ણ ભૂમિકા ભજવી શકે. અત્યારે ઘણી બધી બાબતોને ધ્યાનમાં રાખીએ તો આમાં રસાકસી ભર્યો જંગ જોવા મળી શકે છે.

ડેમોક્રિકેટ પાર્ટી માટે ફંડ એકત્ર કરી રહેલા એક નિષ્ણાંતે જણાવ્યું કે હિન્દુ અમેરિકન સમુદાય છે તે પારંપરિક રીતે જોવા જઈએ તો ડેમોક્રેટિક પાર્ટીના સમર્થક છે પરંતુ છેલ્લા કેટલાક સમયથી જે જે ઈલેક્શન થયા એમાં રિપબ્લિકન પાર્ટી તરફ તેઓ વધારે જઈ રહ્યા છે. તેવામાં આ સમુદાયને એકસાથે લાવવા ડેમોક્રેટિક માટે અત્યંત મહત્ત્વપૂર્ણ બની રહેશે. ઉલ્લેખનીય છે કે અત્યારે ત્યાં પણ એક જ પ્રકારે આ ભારતીય વોટર્સને પોતાની તરફ આકર્ષિત કરવા માટેની પહેલ ચાલી રહી છે.

અમેરિકન પ્રેસિડન્ટ જો બાઈડને તાજેતરમાં જ નિષ્ણાતોની બેઠક બોલાવી હતી. જેમાં વ્હાઈટ હાઉસમાં તેમણે હોલીડે પાર્ટી રાખી હતી અને તેમને આમંત્રિત કર્યા હતા. પ્રાપ્ત થતી માહિતી પ્રમાણે આ દરમિયાન તેમના વચ્ચે ભારતીય અમેરિકન વોટર્સને કેવી રીતે આકર્ષી શકાય એ અંગે ચર્ચા કરવામાં આવી હતી. તેમાં પણ મુખ્યત્વે તેમણે હિન્દુ સમુદાયના વોટ મળે એના માટે વિસ્તૃત રિપોર્ટ રજૂ કર્યો હતો. જેમાં તેમણે પાર્ટીના નેતાઓ સહિતની યાદી બહાર પાડી હતી.

બાઈડન માટે કેમ આ વોટ્સ જરૂરીનિષ્ણાંતોએ કહ્યું કે તેમણે ફેક્ટ બેઝ રિપોર્ટ તૈયાર કર્યો છે જેનાથી બાઈડનને આ ઈલેક્શનમાં ફાયદો થઈ શકે. અમેરિકાનાં પ્રેસિડન્ટ ઈલેક્શનમાં જીતવા માટે પણ એક રોડ મેપ તૈયાર કરવામાં આવ્યો છે. ભારતીય અમેરિકન સમુદાયના લોકોના વોટ કઈ પાર્ટીને મળે એ પણ જરૂરી છે કારણ કે આગામી ચૂંટણીઓમાં ઘણા બધા સમીકરણો બદલાઈ શકે છે. અગાઉની ચૂંટણી પહેલાની વાત કરીએ તો પ્રચાર પણ થશે એને ધ્યાનમાં રાખીને હિન્દુ વોટ્સ જરૂરી છે. આથી કરીને જ ફરીથી જો બાઈડનને સરકાર બનાવવી હોય તો ભારતીય અમેરિકનના વોટ્સ અને એમાં પણ હિન્દુ સમુદાયનાં વોટ્સ જરૂરી છે.