અમેરિકાની પ્રેસિડન્ટની આ વખતની ચૂંટણી તોડી નાખશે ખર્ચના બધા રેકોર્ડ

ન્યૂયોર્ક: અમેરિકામાં આ વર્ષે યોજાઈ રહેલી પ્રેસિડન્ટની ચૂંટણી દેશના ઈતિહાસની સૌથી મોંઘી ચૂંટણી બનવા જઈ રહી છે. આ ચૂંટણીમાં ગત ચૂંટણી કરતા બે ગણા વધુ રૂપિયા ખર્ચ થવાનો અંદાજ છે. આ વખતે લગભગ 14 અબજ ડોલર ખર્ચ થવાનો અંદાજ છે. રિસર્ચર ગ્રુપ 'ધ સેન્ટર ફોર રિસ્પોન્સિવ પોલિટિક્સ'એ કહ્યું કે, મતદાન પહલાના છેલ્લા મહિનામાં રાજકીય દાનમાં ભારે વધારો થયો છે.

ગ્રુપે કહ્યું કે, તેના કારણે આ ચૂંટણીમાં જે 11 અબજ ડોલર ખર્ચ થવાનો અંદાજ લગાવાયો હતો, તે પાછળ છૂટી ગયો છે. ગ્રુપે કહ્યું કે, વર્ષ 2020ની ચૂંટણીમાં 14 અબજ ડોલર ખર્ચ થવાનો અંદાજ છ, જેનાથી ચૂંટણીમાં ખર્ચના જૂના બધા રેકોર્ડ તૂટી રહ્યા છે. ગ્રુપના કહેવા મુજબ, ડેમોક્રેટિક પાર્ટીના ઉમેદવાર જો બાઈડેન અમેરિકાના ઈતિહાસના પહેલા ઉમેદવાર હશે, જેમણે દાન આપનારાઓ પાસેથી એક અબજ ડોલર મેળવ્યા છે.

ટ્રમ્પને મળ્યું 59.6 કરોડ ડોલરનું દાન
બાઈડનના પ્રચાર અભિયાનને 14 ઓક્ટોબેર 93.8 કરોડ ડોલર પ્રાપ્ત થા છે, જેનાથી ડેમોક્રેટ દ્વારા રિપબ્લિકન પાર્ટીના ઉમેદવાર ડોનાલ્ડ ટ્રમ્પને હરાવવાને લઈને ઉત્સુકતા વધતી જઈ રહી છે. તો, ટ્રમ્પે દાન આપનારાઓ પાસેથી 59.6 કરોડ ડોલરની રકમ ચૂંટણી પ્રચાર માટે મેળવી છે. રિસર્ચર ગ્રુપે કહ્યું કે, 'મહામારી છતાં બધા વર્ષ 2020ની ચૂંટણીમાં વધુ રકમ દાન આપી રહ્યા છે, પછી તે સામાન્ય લોકો હોય કે અબજપતિ.'

ગ્રુપે નિવેદનમાં કહ્યું કે, આ વખતે મહિલાઓએ દાન આપવાનો રેકોર્ડ તોડી નાખ્યો છે. ઉલ્લેખનીય છે કે, અમેરિકામાં 3 નવેમ્બરે યોજાનારી પ્રેસિડન્ટની ચૂંટણી માટે પ્રચાર અભિયાન જોરમાં છે. ડોનાલ્ડ ટ્રમ્પ અને જો બાઈડેન બંને એકબીજા પર જોરદાર વાક પ્રહાર કરી રહ્યા છે. ચૂંટણી માટે ડોનાલ્ડ ટ્રમ્પ અને તેમના પત્ની પહેલા જ મતદાન કરી ચૂક્યા છે.