પાકિસ્તાન પોતાની જમીન પર આતંકીઓની સામે કાર્યવાહી કરેઃ અમેરિકા

વોશિંગટ્ન: અમેરિકાએ કહ્યું છે કે પાકિસ્તાને બધા જ આંતકી સંગઠનોને નિશાના પર રાખવા જોઈએ અને તેમાં તે સંગઠનોને પણ શામેલ કરવા જોઈએ જે પાડોશી દેશો પર નિશાન સાધે છે. સાથે જ અમેરિકાએ કહ્યું છે કે તે આતંકી સમૂહો વિરુદ્ધ કાર્યવાહી ના કરવા બદલ પાકિસ્તાન પર કોઈ પ્રતિબંધ નહી મુકે.

વિદેશ મંત્રાલયના ઉપપ્રવક્તા માર્ક ટોનરે પોતાની રેગ્યુલર પ્રેસ કોન્ફરન્સમાં કહ્યું કે, અમે કોઈ પણ પ્રકારના પ્રતિબંધ વિશે નથી વિચારી રહ્યા. અમે પાકિસ્તાન સરકારના ઉચ્ચસ્તરીય લોકો સાથે વાતચીત કરી રહ્યા છે અને આ બધી વાર્તાઓને મુખ્ય મુદ્દો એ છે કે પાકિસ્તાને બધાં જ આતંકી સંગઠનો પર નજર રાખવી જોઈએ. તેમણે આતંકી સંગઠનોની જગ્યાઓને નષ્ટ કરી દેવી જોઈએ.

ટોનરે કહ્યું કે, પાકિસ્તાનના અધિકારીઓ તરફથી જે પ્રતિક્રિયાઓ મળી છે તે મુજબ તેમણે આમ કરવા વિશે આશ્વાસન આપ્યું છે. તેમના પ્રયાસોને વધારવા માટે અને આતંકવાદી સંગઠનો પર વધારે દબાણ બનાવવા માટે અમે તેમની સાથે કામ કરવાનું ચાલુ રાખીશું.