આ મહિલાને પોતાના મૃત પતિની અસ્થિઓ ખાવાની આદત છે, વજન ઘટ્યું હોવાનો દાવો કર્યો

આદત એ એક બીમારી જેવી છે, અને દુનિયાભરના લોકો તેનાથી પીડિત છે. ડ્રગ્સથી લઈને આલ્કોહોલ અને જંક ફૂડ સુધી, એવી અનેક વસ્તુઓ છે, કે જેની આદત વ્યક્તિને લાગી શકે છે. પણ અમેરિકામાં એક એવો કિસ્સો સામે આવ્યો છે, જેને જાણીને તમે ચોંકી જશો. 26 વર્ષની મહિલાએ ટેલિવિઝન શોમાં પોતાની ચોંકાવનારી આદત અંગે ખુલાસો કર્યો હતો. અમેરિકાના ટેનેસીમાં રહેતી કેસીને તેના મૃત પતિની અસ્થિઓ ખાવાની આદત છે. 'My Strange Addiction'નામના ટીવી શોમાં કેસીએ ઈન્ટરવ્યૂ આપ્યું હતું અને તેમાં તેણે જણાવ્યું હતું કે, તે કેવી રીતે સંગ્રહી રાખેલ અસ્થિઓને ખાઈ રહી છે. 2009માં કેસીની મુલાકાત શૉન સાથે થઈ હતી અને 10 મહિનાની અંદર જ તેઓએ લગ્ન કરી લીધા હતા. પણ અસ્થમા એટેકને કારણે શૉનનું નિધન થઈ ગયું. જે બાદ કેસી તેની અસ્થિઓનાં કળશને હંમેશા સાથે લઈને ચાલતી હતી.

કેસીએ જણાવ્યું કે, હું મારા પતિને બધી જગ્યાએ સાથે લઈ જતી હતી. ગ્રોસરી સ્ટોર, શોપિંગ, મુવી, રેસ્ટોરાં, હું જ્યાં પણ જતી, ત્યાં તેને લઈ જતી. ઊંઘતા સમયે પણ તે કળશને હગ કરીને સૂઈ જતી હતી. પણ એક દિવસ કળશમાં અસ્થિઓ બદલતી વખતે અમુક રાખ તેના હાથ પર પડી ગઈ હતી. જે બાદ તે રાખને ધોવા માગતી ન હતી, અને તેથી તેણે રાખને ચાટી લીધી હતી. અને બસ ત્યારબાદથી જ તેને પતિના અસ્થિ ચાટવાની આદત પડી ગઈ હતી. તેણે જણાવ્યું કે, દિવસમાં પાંચ વખત તે અસ્થિ ભરેલાં કળશમાં આંગળીઓ નાખે છે અને પછી તેને ચાટે છે.

કેસીએ જણાવ્યું કે, તે મારો પતિ છે, અને હું તેને ધોવા માગતી ન હતી. જેથી મેં મારી આંગળીઓ ચાટવાનું શરૂ કરી દીધું. અને આજે હું અહીં છું, લગભગ બે મહિના બાદ, અને હવે હું અટકી શકતી નથી. હું મારા પતિને ખાઈ રહી છું. તેનો ટેસ્ટ સડેલાં ઈંડા અને માટી જેવો લાગે છે. પણ હું તે ટેસ્ટને પ્રેમ કરતી મોટી થઈ છું.

આ ઉપરાંત કેસીએ એવો પણ દાવો કર્યો હતો કે, બે મહિનાની અંદર તેનું 19 કિલો વજન ઘટી ગયું છે, કેમ કે ત્યારથી તે તેના પતિની અસ્થિ જ ખાઈ રહી છે. સાથે કેસીએ એ પણ જણાવ્યું કે, હવે તેને ખાવાનું મારે રોકવું પડશે. હું તેને એક વખત ગુમાવી ચૂકી છું. અને આ સમયે જો હું તેને ગુમાવીશ, તો તે મારી ભૂલના કારણે હશે.