તેહરાનઃ થોડા દિવસ પહેલા એવા રિપોર્ટ્સ હતા કે ઈરાને ભારતને ચાબહાર રેલ પ્રોજેક્ટમાંથી બહાર કરી દીધું છે. માનવામાં આવી રહ્યું હતું કે ઈરાન-ચીન વચ્ચે થવા જઈ રહેલી 400 અબજ ડોલરની ડીલના કારણે આ નિર્ણય લેવામાં આવ્યો છે. જોકે, ઈરાને હવે આ રિપોર્ટ્સનું ખંડન કર્યું છે. ઈરાન તરફથી જારી કરવામાં આવેલા નિવેદનમાં કહેવામાં આવ્યું છે કે ભારત ચાબહાર રેલ પ્રોજેક્ટનો ભાગ છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
મીડિયાના અહેવાલો કાવતરાનો ભાગ
ઈરાને તેમ મીડિયા રિપોર્ટ્સનું ખંડન કર્યું છે જેમાં કહેવામાં આવ્યું હતું કે ભારતને ચાબહાર રેલ પ્રોજેક્ટમાંથી બહાર કરી દેવામાં આવ્યું છે. ઈરાનના ટ્રાન્સપોર્ટ અને રેલવે વિભાગના ડેપ્યુટી મિનિસ્ટર સઈદ રસૌલીએ કહ્યું છે કે આ રિપોર્ટ્સ પાછળ કોઈ કાવતરુ છે. આ રેલ પ્રોજેક્ટ ચાબહાર પોર્ટથી જહેદાન વચ્ચે બનાવવાનો છે.
2022 સુધી પૂરો કરવાનો છે પ્રોજેક્ટ
ગત સપ્તાહે ઈરાનના ટ્રાન્સપોર્ટ અને શહેરી વિકાસ મંત્રી મોહમ્મદ ઈસ્લામીએ 628 કિમી લાંબા રેલવે ટ્રેક બનાવવાનું ઉદ્દઘાટન કર્યું હતું. આ રેલવે લાઈન અફઘાનિસ્તાનની જરાંજ સરહદ સુધી લંબાવાની છે. ધ હિંદુના અહેવાલ પ્રમાણે આ યોજનાને માર્ચ 2022 સુધીમાં પૂરી કરવાની છે. કહેવામાં આવી રહ્યું હતું કે ઈરાને કહેતા ભારતને આ પ્રોજેક્ટમાંથી બહાર કરી દીધું હતું કે ભારત આના માટે ભંડોળ આપી રહ્યું નથી.
2016મા કરવામાં આવ્યો હતો કરાર
વર્ષ 2016મા વડાપ્રધાન નરેન્દ્ર મોદી ઈરાનના પ્રવાસે હતા અને આ દરમિયાન આ કરાર થયો હતો. સમગ્ર પ્રોજેક્ટની અંદાજીત કિંમત 1.6 અબજ ડોલર છે. આ પ્રોજેક્ટને પૂરો કરવા માટે ઈરકાનના એન્જિનિયર ઈરાન પણ ગયા હતા પરંતુ અમેરિકાના પ્રતિબંધોના કારણે આ પ્રોજેક્ટ પર કામ શરૂ થયું ન હતું.