યુવકે બે કલાક સુધી કંઈ ન કર્યું અને વિડીયો થઈ ગયો વાઈરલ

એક યુટ્યુબરે પોતાનો વિડીયો શેર કર્યો, જેમાં તે બે કલાક સુધી કેમેરા સામે બેસી રહ્યો અને તેણે કંઈ ન કર્યું. કંઈ નહીં એટલે કંઈ નહીં. માત્ર કેમેરા સામે જોતો જ રહ્યો. હવે તમે વિચારતા હશો કે તો પછી આ વિડીયોમાં લોકો શું જોઈ રહ્યા છે. લોકોને આ વિડીયો એટલો પસંદ આવ્યો કે આ અત્યાર સુધીમાં 19 લાખથી વધારે વ્યૂઝ મળી ચૂક્યા છે.

ઈન્ડોનેશિયાનો છે આ Youtuber
આ યૂટ્યૂબરનું નામ Muhammad Ditit છે. તે ઈન્ડોનેશિયાનો રહેવાસી છે. તેણે એક વિડીયો પોસ્ટ કર્યો છે. જેમાં તે બે કલાક સુધી કંઈ પણ કરતો નથી. આ વિડીયના ટાઈટલમાં લખ્યું, '2 કલાક સુધી કંઈ પણ ન કરવું.' આ કંઈ ન કરતા વિડીયોને 19 લાખથી વધારે વ્યૂઝ મળી ચૂક્યા છે.

જુઓ પહેલા આ વિડીયો
પબ્લિકે શું કહ્યું?
આ વિડીયો જોયા બાદ પબ્લિકે અલગ અલગ રિવ્યૂ આપ્યા છે. કેટલાક લોકોનું કહેવું છે કે તે મેડિટેશન કરી રહ્યો છે, જ્યારે કેટલાકે લખ્યું કે વિચારી રહ્યો છે. એક યૂઝરે તો એવું પણ લખ્યું કે આ વિડીયોમાં 362 વખત આંખ ઝપકી છે. શું તમે આ રીતે બે કલાક સુધી બેસી શકો છો?