વિકૃત માતાએ પહેલા પુત્ર અને બાદમાં પુત્રી સાથે કર્યા લગ્ન!

I am Gujarat

અમેરિકાના ઓક્લાહોમાની ઘટના

અમેરિકાના ઓક્લાહોમામાં એક મહિલાને પોતાની જ પુત્રી સાથે લગ્ન કરવાના કેસમાં દોષી નોંધવામાં આવી છે. 44 વર્ષીય મહિલા પેટ્રિસિયા સ્પેને પોતાની 26 વર્ષીય દીકરી સિસ્ટી સ્પેન સાથે 2014માં લગ્ન કરી લીધા હતા. આ મહિલાના બંને બાળકોનો ઉછેર તેમની દાદીએ કર્યો હતો. ‘ધ ઈન્ડિપેન્ડેટ’ના રિપોર્ટ અનુસાર 5 મહિના બાદ જ ચાઈલ્ડ વેલફેર ઈન્વેસ્ટિગેશન દરમિયાન ઑથોરિટીઝને આ સંબંધે જાણકારી મળી હતી. પેટ્રેસિયાની પુત્રી સિસ્ટીએ માતા પર છેતરીને લગ્ન કરવાનો આરોપ લગાવ્યો હતો. કોર્ટે આ કેસમાં પેટ્રેસિયાને 10 વર્ષની કેદની સજા સંભળાવી છે.

અગાઉ પુત્ર સાથે છેતરીને લગ્ન કર્યા હતા

ઑથોરિટીઝ અનુસાર 2008માં મહિલાએ પોતાના પુત્ર સાથે પણ લગ્ન પણ કર્યા હતા. કોર્ટના દસ્તાવેજો અનુસાર પુત્રએ 15 મહિના બાદ આને અયોગ્ય ગણાવીને અરજી દાખલ કરીને આ લગ્નને રદ્દ કરવા માટે માગણી કરી હતી. એફિડેવિટ અનુસાર પેટ્રેસિયાએ પોલીસને જણાવ્યું કે, લાંબા સમય બાદ બંને ફરીવાર દોસ્તી કરી લીધી હતી. લોકલ મીડિયાના રિપોર્ટ્સ અનુસાર પેટ્રેસિયા અને સિસ્ટીના અનૈતિક સંબંધો ઉજાગર થયા બાદ તેમને અરેસ્ટ કરી લેવાયા હતા.

પુત્રીએ કહ્યું, માએ છેતરીને કર્યા લગ્ન

સિસ્ટીએ જણાવ્યું કે, માતાએ તેની સાથે છેતરામણી કરીને લગ્ન કર્યા છે. તેણે કહ્યું કે, તેની માએ કહ્યું હતું કે, તેના જન્મ પ્રમાણપત્ર અને અન્ય દસ્તાવેજો પેટ્રેસિયાનું નામ મા તરીકે નહીં હોય. સિસ્ટીના આવેદન પર કોર્ટ તરફથી આ લગ્નને આ વર્ષે ઑક્ટોબરમાં જ રદ્દ કરી દેવાઈ હતી. સિસ્ટીએ કહ્યું કે, તેની માતાએ તેને કહ્યું કે, તેણે લગ્ન અંગે વકીલો પાસેથી સલાહ લીધી છે અને આ કોઈ રીતે અપરાધ નથી. ઉલ્લેખનીય છે કે, અમેરિકાના ઓક્લાહોમા પ્રાંતમાં નજીકના સંબંધી સાથે જ લગ્ન કરવા અનૈતિક માનવામાં આવે છે અને તેના માટે 10 વર્ષની સજાની જોગવાઈ છે.