ટ્રેનનું 'સોશિયલ ડિસ્ટન્સ' કવર તફડાવીને બનાવ્યું Crop Top, વેચવા માટે યુવતીએ આપી જાહેરાત

સોશિયલ મીડિયા પર પણ લોકો જાતજાતના ગતકડા કરતા હોય છે. જોકે, એક યુવતીએ એવું કર્યું છે જેના કારણે લોકો તેની આકરી ટીકા કરી રહ્યા છે. બ્રિટનની એક ફેશન ડિઝાઈનિંગનો અભ્યાસ કરતી વિદ્યાર્થિનીએ ટ્રેનમાં રહેલા સોશિયલ ડિસ્ટન્સની નિશાની તફડાવીને ક્રોપ ટોપ તરીકે વેચવાની કોશિશ કરી હતી. જોકે, તેની આ ટ્રિક કામ ન આવી અને તે પકડાઈ ગઈ હતી.

બ્રિટનની ફેશન સ્ટૂડન્ટનું કારસ્તાન
બ્રિટનની એક ફેશન સ્ટૂડન્ટે ટ્રેનના સોશિયલ ડિસ્ટન્સની નિશાનીને ક્રોપ ટોપ તરીકે વેચવાની કોશિશ કરી હતી. મ્હારી થર્સ્ટન-ટાયલરે ચિલ્ટ્રન રેલવેના સોશિયલ ડિસ્ટન્સ સીટ કવરને ક્રોપ ટોપ્સ બનાવ્યુ હતું અને ઓનલાઈન વેચવાની કોશિશ કરી હતી. આ ક્રોપ ટોપની કિંમત પણ તેણે 15 પાઉન્ડ (ભારતીય ચલણમાં અંદાજે 1500 રુપિયા)માં વેચવા માટે કાઢ્યુ હતું. આ યુવતીએ 'સોશિયલ ડિસ્ટન્સ' સીટ કવરને શોપિંગ એપ્લિકેશન પર વેચવાની કોશિશ કરી હતી.

શોપિંગ એપે કડક શબ્દોમાં આપી ચેતવણી
આ ઓનલાઈન શોપિંગ એપ્લિકેશને કહ્યું કે,'સ્પષ્ટ રીતે અમારી સેવાઓની શરતોનું ઉલ્લંઘન થયું છે' આ પછી કડક શબ્દોમાં થર્સ્ટન ટાયલરને ચેતવણી આપતા કહ્યું હતું કે તેમની એપ્લિકેશન પર આવી વસ્તુઓને વેચવામાં ન આવે. થર્સ્ટને આ નિશાનીને 'સોશિયલ ડિસ્ટન્સિંગ રેલવે ક્રોપ ટોપ' તરીકે વેચવાની કોશિશ કરી હતી. નોંધનીય છે કે બ્રિટનના ચિલ્ટનમાં રેલ સેવા દરમિયાન આ કવરથી સીટને ઢાંકવામાં આવે છે. જેથી કોરોનાની મહામારીમાં 'સોશિયલ ડિસ્ટન્સ'ના નિયમોનું પાલન થઈ શકે.


એપ્લિકેશને કરી સ્પષ્ટતા
ડીપોપ ડ્રામા નામની એપ્લિકેશને તસવીરો શૅર કરી હતી. ડીપોપે પુષ્ટિ કરતા લખ્યું હતું કે, 'યૂઝર્સે આ સાઈન ચિલ્ટન રેલવેમાંથી લીધી હોવાનું સ્વીકાર્યું છે.' જોકે, થર્સ્ટને આ કવર ચોરી કરી હોવાનું નકાર્યું હતું અને કહ્યું કે તેને આ કવર પ્લેટફોર્મ પર પડેલું મળ્યુ હતું. તેણે કહ્યું કે, 'મારી આર્થિક સ્થિતિ નબળી છે અને હું સંઘર્ષ કરી રહી છું. મેં વિચાર્યું કે, કોશિશ કરુ કે થોડા રુપિયાની કમાણી કરું જેથી મેં આ કવર વેચવા માટે કાઢ્યુ હતું. મને લાગ્યું કે લોકોને આ લાઈન પસંદ પડશે.' જોકે, તેણે એ પણ સ્વીકાર્યુ કે 'મેં આ કવરને ચોરી નથી કર્યુ પરંતુ તેને વેચવા માટે મૂકવું યોગ્ય નહોતું.'