માતાએ 6 વર્ષના પુત્રને ચાકુના ઘા મારી લોહીલુહાણ કર્યો, બોલી - આને જ લાયક હતો!

I am Gujarat

માસૂમ સાથે માતાની ક્રૂરતા

અમેરિકાના ઓરેગોનમાં એક માતાએ પોતાના જ 6 વર્ષના માસૂમ પુત્ર પર ચાકુ વડે હુમલો કર્યો. લોહીલુહાણ હાલતમાં બાળક પાડોશીને ત્યાં ભાગ્યો. પાડોશીએ ઈમરજન્સી નંબર 911 પર ફોન કરી તેની સારવાર માટે મદદ મંગાવી. આ ઘટના ગત શનિવારે રાત્રે 9 વાગ્યાની આસપાસ ઘટી હતી. કોર્ટમાં ઘટનાના સંભવિત કારણવાળી રિપોર્ટ અનુસાર મ્હો, લિવર અને ફેફસાં સહિત શરીર પર ઘણી જગ્યાએ ઘા સાથે 6 વર્ષનો છોકરો લોહીલુહાણ હાલમાં પાડોશીના ઘરમાં દાખલ થયો અને કહ્યું કે, તેની મા તેને મારવા માગે છે.

6 વખત માર્યા ચાકુના ઘા

અધિકારીએ તપાસમાં નોંધ્યું કે, 34 વર્ષીય આરોપી મહિલા નીમોરિયા વિલાગોમ્ઝે પોતાના પુત્ર પર 6 વખત ચાકુ વડે હુમલો કર્યો. કોર્ટના દસ્તાવેજો અનુસાર, બાળકના ફેફસાં અને લિવર પર હુમલો કરવામાં આવ્યો. કોર્ટના રેકોર્ડ અનુસાર માતાએ પોતાનો ગુનો કબૂલ્યો અને કહ્યું કે, તેનો પુત્ર આને જ લાયક હતો. અધિકારીઓ અનુસાર, બાળકને તરત હોસ્પિટલ લઈ જવામાં આવ્યો અને ત્યાંથી તેને 100 માઈલ દૂર પોર્ટલેન્ડ સ્થિત લેગેસી ઈમેન્યુઅલ મેડિકલ સેન્ટરમાં હવાઈ માર્ગે લઈ જવાયો.

મહિલા અરેસ્ટ, બાળકની હાલત સુધારા પર

પોલીસ અનુસાર, આરોપી મહિલાને હુમલો અને હત્યાના પ્રયત્ન જેવી ગંભીર કોલમ અંતર્ગત અરેસ્ટ કરવામાં આવી છે. અધિકારીઓ અનુસાર મંગળવારે બાળકની હાલત ઠીક જણાવવામાં આવી અને ટૂંક સમયમાં તેને હોસ્પિટલમાંથી રજા આપી દેવાશે.

ઘટનાસ્થળે પહોંચેલી પોલીસ ચોંકી ઉઠી

ઘટનાની જાણકારી મળતા અધિકારીઓએ જ્યારે મહિલા આરોપીના ઘરે પહોંચી દરવાજો ખખડાવ્યો ત્યારે તેણે કોઈ પ્રતિક્રિયા આપી નહીં. ત્યારબાદ પોલીસ અંદર ગઈ ત્યારે મહિલાના હાથ-પગ પર લોહી ચોંટેલું હતું અને તે પોતાના 14 મહીનાના બાળક સાથે સૂતેલી હતી.

કોર્ટે આપી આ સજા

સ્થાનીક મીડિયા અનુસાર પોલીસે જણાવ્યું કે, વિલાગોમ્ઝે તેના નાના બાળકનું પણ ગળું દબાવવાની અને નશીલી દવા પીવડાવવાની કોશિશ કરી. આરોપી મહિલાને 2016માં 30 દિવસની જેલ અને 5 વર્ષ સુધીના પ્રોબેશનની સજા સંભળાવી હતી. વિલગોમ્ઝને લિંકન કાઉન્ટી જેલમાં રાખવામાં આવી છે અને તેને જામીન માટે 1.1 મિલિયન ડૉલર એટલે કે, સાડા સાત કરોડ આપવા પડશે.