તસવીરો- ન્યૂઝ એજન્સીકોરોના વાયરસ મહામારીના પગલે પોપ્યુલર હોલિડે ડેસ્ટિનેશનને મોટો ફટકો પડ્યો છે. ફ્લાઈટ્સ અને વિવિધ દેશોની બોર્ડર બંધ થતાં ફરવાના શોખીનો પોતાના દેશની બહાર નીકળી શકતા નથી. મહામારી વચ્ચે ઘણા દેશોએ લોકડાઉન હળવું કર્યું છે અને ટુરિસ્ટોને આવકારવાની શરૂઆત કરી છે. તેમ છતાં પ્રવાસીઓ બીજા દેશોમાં જવાનું ટાળી રહ્યા છે. જો કે, આ બધું જ શાંત થઈ જાય પછી તમે ફરવા જવાનું વિચારતા હો તો વિશ્વની સૌથી પહેલી ગોલ્ડ પ્લેટેડ હોટલની મુલાકાત લેજો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
લોબીથી લઈને બાથરૂમ સુધી બધું જ સોનાનું
વિયતનામની રાજધાની હનોઈમાં ગુરુવારે દુનિયાની સૌપ્રથમ ગોલ્ડ પ્લેટેડ હોટલની શરૂઆત કરવામાં આવી છે. 200 મિલિયન ડોલરના ખર્ચે બનેલી આ હોટલની લોબી, ઈન્ફિનિટી પુલ, રૂમ, કટલરી, કપ, બાથરૂમમાં સિંક, બાથટબ, શાવર, ટોઈલેટ સીટ બધું જ 24 કેરેટ સોનાથી મઢેલું છે. રૂમની અંદરનું રાચરચીલું પણ સોને મઢેલું છે.
એક રાત રોકાવાનું ભાડું કેટલું?
ગોલ્ડ પ્લેટેડ હોટલ ડોલ્સે હનોઈ ગોલ્ડન લેકની બહારની દિવાલો પર 54 હજાર ચોરસ ફૂટની ગોલ્ડ પ્લેટેડ ટાઈલ્સ લગાવાઈ છે. આ હોટલમાં એક રાત રોકાવાનું પ્રારંભિક ભાડું 250 ડોલર (આશરે 19 હજાર રૂપિયા) છે. અહીં 6 પ્રકારના રૂમ અને 6 પ્રકારના સ્વીટ્સ છે. મીડિયા રિપોર્ટ અનુસાર, હોટલના પ્રેસિડેન્શિયલ સ્વીટની કિંમત એક રાતના 4.85 લાખ રૂપિયા છે.
‘સામાન્યથી માંડીને અમીર લોકો આવે’
Hoa Binh ગ્રુપ જે આ હોટલની માલિકી ધરાવે છે તેના ચેરમેન Nguyen Huu Duongએ કહ્યું, “હોટલમાં સામાન્યથી માંડીને ધનાઢ્ય લોકો રોકાવા આવે તેવી અમારી ઈચ્છા છે.” હોટલના સ્ટાફનો યુનિફોર્મ પણ રેડ અને ગોલ્ડન રાખવામાં આવ્યો છે.
25 માળની હોટલ
હનોઈમાં આવેલી 25 માળની આ હોટલના ઈન્ફિનિટી પુલથી શહેરનું સુંદર દ્રશ્ય જોવા મળે છે. 400 રૂમની આ હોટલ ખુલતાંની સાથે જ અહીં મહેમાનો પણ આવવા લાગ્યા હતા. સાઉથ કોરિયાના ગેસ્ટ ફિલિપ પાર્કે કહ્યું, “જ્યારે હું અહીં આવ્યો ત્યારે મને હું રાજા હોઉં તેવી અનુભૂતિ થઈ. ઈજિપ્તના રાજા Pharaoh જેવું લાગ્યું.”
પ્રવાસીઓને આકર્ષવા પ્રયાસ
જણાવી દઈએ કે, લોકડાઉન ઝડપથી લાગુ કરીને કોરોના વાયરસના ફેલાવાને નિયંત્રિત કરવા બદલ વિયતનામના વખાણ થયા હતા. વિયતનામમાં કોરોના વાયરસના માત્ર 350 કેસ નોંધાયા હતા અને એકપણ મોત થયું નહોતું. ત્યારે લોકડાઉનના ત્રણ મહિના પછી અહીં ટુરિઝમ સેક્ટર ધીમે-ધીમે શરૂ થઈ રહ્યું છે ત્યારે આ હોટલે પ્રવાસીઓને આકર્ષવા માટે થોડા વધુ પ્રયાસ કર્યા છે. હોટલના માલિકનું કહેવું છે કે, જો આ મહામારી ના હોત તો ઈન્ટરનેશનલ પ્રવાસીઓથી હોટલ ઊભરાઈ ગઈ હોત.
શિવાની જોષી છેલ્લા સાત વર્ષથી વધુ સમય કરતાં પત્રકારત્વના ક્ષેત્રમાં છે. કારકિર્દીની શરૂઆતથી જ તેઓ ન્યૂઝ એડિટિંગના કામનો અનુભવ ધરાવે છે. તેમણે ગુજરાત યુનિવર્સિટી સંલગ્ન કોલેજમાંથી ગ્રેજ્યુએશન (બીકોમ) કર્યું છે. ત્યારબાદ ગુજરાત યુનિવર્સિટીના જ માસ કમ્યુનિકેશન, જર્નાલિઝમ એન્ડ પબ્લિક રિલેશન ડિપાર્ટમેન્ટમાંથી પોસ્ટ ગ્રેજ્યુએશનની ડિગ્રી મેળવી અને પત્રકારત્વના ક્ષેત્રે જોડાયા. તેઓ વીટીવી ન્યૂઝ, એબીપી અસ્મિતા જેવી ન્યૂઝ ચેનલ સાથે કામ કરી ચૂક્યા છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.