ખોદકામમાં મળી આવ્યો દુનિયાનો સૌથી જૂનો કુદરતી મોતી

અબુધાબીમાં 8 હજાર વર્ષ જૂના મોતીને એક્ઝિબિશનમાં મૂકવામાં આવ્યો. પુરાતત્વ નિષ્ણતોનું માનવું છે કે, આ દુનિયાનો સૌથી જૂનો મોતી છે. અધિકારીઓએ રવિવારે જણાવ્યું કે, આનાથી પૂરાવો મળે છે કે, નિયોલિથિક સમયથી વસ્તુઓનો વ્યાપાર કરવામાં આવી રહ્યો છે. આ મોતી UAEની રાજધાનીથી દૂર, મરવા દ્વીપમાં ખોદકામ દરમિયાન એક રૂમના તળિયામાંથી મળી આવ્યો હતો, જેનાથી દેશની સૌથી જૂની વાસ્તુકળાની માહિતી મળે છે. અબૂધાબીના સંસ્કૃતિ અને પર્યટન વિભાગે કહ્યું, ‘જે સ્તર પરથી મોતી મળ્યો છે, તે ઈ.સ પૂર્વે 5800-5600માં નિયોલિથિક સમયગાળામાં બન્યું હતું.’ અબુ ધાબીના આર્કિયોલૉજિકલ ડિપાર્ટમેન્ટના અધ્યક્ષ મોહમ્મદ અલ-મુબારકે કહ્યું કે, અબુ ધાબીમાં દુનિયાના સૌથી જૂના મોતીની શોધથી આ સ્પષ્ટ થાય છે કે, અમારા આર્થિક અને સાંસ્કૃતિક ઈતિહાસમાં મૂળ ઊંડા છે. ઘણી ધ્વસ્ત નિયોલિથિક પથ્થર સંરચનાઓી બનેલી મારવાહ સાઈટના ખોદકામમાં માટીના વાસણ, ખોલ અને પથ્થરથી બનેલા મોતી અને ચકમક તીર પણ બન્યાં છે. ‘અબુધાબી પર્લ’ પહેલીવાર 10 હજાર વર્ષ જૂની લક્ઝરી એક્ઝિબિશનમાં દેખાડવામાં આવશે જે 30 ઑક્ટોબરથી લોઅર અબુધાબીના પ્રસિદ્ધ પેરિસ મ્યૂઝિયમમાં શરૂ થવા જઈ રહ્યું છે.